Макро эдийн засаг гэдэг нь үндэсний хэмжээний эдийн засгийн үр дүн, ажил эрхлэлт, амьжиргааны өртөг зэргийг эдийн засгийн нэгдмэл зүйл болгон үзэж, түүнийг эдийн засгийн үүднээс судлахыг хэлнэ. Энэ эдийн засгийн судалгааны гол асуудал нь төр засгийн хэмжээнд авч хэрэгжүүлж байгаа, улс хоорондын харилцаанд явагдаж байгаа эдийн засгийг судалдгаараа микро эдийн засгаас ялгарах гол онцлог болж өгдөг. Макро эдийн засгийг энгийнээр тайлбарлавал, улс орны эдийн засаг, засгийн газрын үйл ажиллагаа, түүний орлого зарлага, нийгэм соёл гээд өргөн хүрээний далайцтай судлагдахууныг хэлнэ.